• 16.05.2021 18:26

САРИСА

Прв македонски конзервативен портал

Вечна ти слава професоре! Твојата борба за Македонија ќе биде продолжена!

Bysrs-editor

Apr 19, 2021

На 46 годишна возраст, по кратко боледување и компликации како последица на Ковид-19, вчера во Скопје почина универзитетскиот професор и воен историчар Д-р Александар Стојчев.

Професорот Стојчев од 2006 година бил Раководител на Службата за воена историја – Воен музеј во Министерството за одбрана а претходно во периодот од 2002 година до 2006-тата година бил асистент по Воена историја на Воената академија „Генерал Михаило Апостолски“ во Скопје.

Во својата професионална кариера тој бил и доцент и вонреден професор на Универзитетот Св. Кирил и Методиј во Скопје за област Воена историја и наставник по предметот „Балканските војни и Првата светска војна“ на Универзитетот Гоце Делчев во Штип.

Тој е автор на повеќе книги од областа на воената историја а меѓу најпознатите и најкористените се „Букурешкиот мировен договор и поделбата на Македонија во 1913 година“, „Студија за формирање на Музеј на Првата светска војна“, „Нобеловците и АРМ за мирот“, „Дојран 1915-1918 (Воени операции)“ како и „Историја на воените мапи на Република Македонија“.

На пошироката јавност, професорот Стојчев и беше познат по документарните телевизиски емисии за историјата на Република Македонија.

Вечна ти слава професоре!