• 30.07.2021 15:37

САРИСА

Прв македонски конзервативен портал

(Видео) Протести во Брисел – запалена полициска станица, нападнато возилото на кралот

BySarissa Editor

Jan 14, 2021

Во Брисел за време на протестите поради смртта на младо момче од африканско потекло, кој починал во притвор, избија немири помеѓу демонстрантите и полицијата. Запалена е полициска станица, а уапсени се над 70 демонстранти.

Протестот се случи откако едно момче по име Ибрахим почина во полициски притвор. Тој наводно се обидел да избега додека полицијата легитимирала група луѓе затоа што не се придржувале до мерките воведени поради епидемијата на коронавирусот. Како што објави АФП, повикувајќи се на обвинителството во Брисел, покрената е истрага за околностите на смртта на младиот човек.

По мирните протести, синоќа дошло до нереди во Брисел, кога група демонстранти со различни предмети и петарди ја нападнале полицијата, која, пак, употребила водени топови за да ги растера.

Видеа од немирите се објавени на социјалните мрежи, а на едно од нив се гледа дека демонстрантите со камења удриле и во возилото на белгискиот крал Филип, но засега не е познато дали тој бил во возилото.