• 25.06.2021 13:08

САРИСА

Прв македонски конзервативен портал

ОН: Веднаш да се намалат тензиите меѓу Израел и Палестинците

Bysrs-editor

May 11, 2021

ОН итно се ангажира на намалување на тензиите меѓу Израел и Палестинците, а генералниот секретар Антонио Гутереш изрази жалење за големиот број жртви, меѓу кои има и деца, настрадани во израелските воздушни напади врз Газа и ракетните напади на Хамас врз Израел, изјави денеска претставникот на ОН, Стефан Дижарик.

„Израелските сили за безбедност мора да бидат максимално воздржани и мора да го прилагодат степенот на употреба на сила. Ракетирањето и гранатирањето на Хамас во населените области во Израел се неприфатливи”, рече Дижарик.

– Најмалку 20 лица, меѓу кои девет деца, се убиени во синоќешниот израелски напад врз Појасот Газа, соопшти палестинското Министерство за здравство.

Според светските агенции, во нападите биле повредени повеќе од 60 лица.

Израелската армија соопшти дека бомбардирала тунел на Хамас на северот од Појасот Газа, во кој, како што се верува, имало голем број членови на таа организација, пренесува „Тајмс оф Израел“.

Израелската армија претходно потврди дека извршила ракетни напади врз Појасот Газа, наведувајќи загинале дека тројца членови на милитантната организација Хамас, која претходно го ракетираше Ерусалим, по истекот на ултиматумот упатен до израелската влада за повлекување на безбедносните сили од кругот на џамијата Ал Акса.

Во извештајот на „Џерусалим пост“ се наведува дека меѓу убиените членови на Хамас е и еден од командантите, кој бил меѓу примарните цели на возвратните ракетни удари на израелската армија.

Во Ерусалим се огласиле сирени за предупредување на ракетен напад, а набргу потоа се слушнале и детонации, јавија светските агенции.

Потоа се огласи и претставник на военото крило на Хамас, Абу Обеид, кој потврди дека ракетните напади се одговор на, како што рече, „злосторството и агресијата“ што Израел ги прави во Ерусалим.

По рекетирањето на Ерусалим бил евакуиран и израелскиот Парламент, а Израел ги зајакна безбедносните сили долж границата со Газа.