• 04.08.2021 02:03

САРИСА

Прв македонски конзервативен портал

Сојузот на средношколци најави бојкот на наставата од второто полугодие

BySarissa Editor

Jan 19, 2021

Сојузот на средношколци најави дека второто полугодие од оваа учебна година, кое треба да започне на 21 јануари, ќе го почнат со бојкот на наставата. Одлуката, велат, ја донеле по консултации со претставници на средношколците низ земјава, а ќе бојкотираат сè додека нивните барања не бидат прифатени.

Тие бараат Министерството за здравство и наука да ја измени содржината на државниот испит – матурата и да го намали бројот на предмети кои учениците треба да ги полагаат. Од четири предмети, предлагаат да се полагаат само два. Едниот да биде мајчин јазик, а вториот по избор на ученикот согласно неговите планови за понатамошното образование, а се согласуваат да остане и проектната задача.

Второто нивно барање е МОН и Државниот испитен центар (ДИЦ) во март годинава да објават и презентираат план и програма за тоа како ќе изгледаат скратените наставни програми и другите материјали за испитите.

На барањето е потпишан средношколецот Бленди Ходаи, претседател на Сојузот на средношколци.

Од Министерството за образование велат дека Државниот испитен центар веќе ги завршил процедурите за состав на Комисиите на државната матура, и тие веќе ги пишуваат прашањата по сите предмети, во согласност со скратените наставни програми .Според МОН, испитот за државна матура е задолжителен за запишување во сите високообразовни институции. Покрај ова, Концептот за полагање на матурски испит предвидува можност за добивање на школска матура за учениците кои нема да го продолжат своето образование на факултетите.