• 20.05.2024 17:53

САРИСА

Прв македонски конзервативен портал

Во Германија уапсени двајца осомничени за планирање напад врз шведскиот парламент

Bysrs-editor

Mar 19, 2024

Германија уапси двајца осомничени членови на џихадистичката организација Исламската држава за наводно планирање напад врз шведскиот парламент, објавија во вторникот федералните обвинители.

Двајца авганистански државјани идентификувани како Ибрахим М.Г. и Рамин Н. се уапсени во источниот германски град Гера под сомнение дека планирале напад како одмазда за палењето на муслиманската света книга Куранот во Шведска, соопшти обвинителството.

Обвинителите наведуваат дека во 2023 година, осомничените се приклучиле на Исламската држава – во провинцијата Хорасан (ISKP), огранок на милитантната ултрарадикална сунитска група и собрале околу 2.000 евра донации за таа организација.

Наводно, двоецот на интернет истражувал можен напад и направил неколку обиди да набават оружје, но биле неуспешни. И двајцата во вторник и среда ќе бидат изведени пред истражниот судија на германскиот Сојузен суд во Карлсруе.