Германија сака да го искористи своето претседавање со Групата седум (Г7) најразвиени земји за да го поддржи економското закрепнување од пандемијата.
Германија сака да ги зајакне и напорите за подобрување на заштитата на климата, изјави денеска германскиот министер за финансии Кристијан Линднер.
„Германија го презеде претседавањето со Г7 за 2022 година – земјите од Г7 се посветени на слободата, демократијата и напредокот“, напишал Линднер на Твитер, пренесе Ројтерс.
Министерот Линднер рече дека на состаноците на Г7 сака да ги стави прашањата за дигитализацијата и климатската неутралност на врвот на агендата на министрите за финансии и гувернерите на централните банки.