• 20.05.2024 17:53

САРИСА

Прв македонски конзервативен портал

Спротивна на законите е владината одлука за поништување на пет наредби кои ги донесов-Тошковски

ByJane Jancheski

Mar 13, 2024

За скандалозна и спротивна на законите, министерот за внатрешни работи Панче Тошковски ја смета одлуката на Владата за поништување на пет негови наредби.

-Имено, една од петте поништени наредби се однесува на работник во Министерството за внатрешни работи кој се упатува да извршува работни задачи во управните служби во Ново Село каде се соочуваме со кадровски дефицит во делот на издавањето на лични документи, а со ваквата одлука на Владата практично се доведува во прашање функционирањето на оваа организациска единица, односно издавањето на лични документи на граѓаните на оваа Општина.

Останатите четири наредби се однесуваат на советници од мојот кабинет со кои им се даваат конкретни насоки за постапување, а со нивното поништување исто така се влијае на работата на Министерството на највисоко ниво кое во претстојниот период треба да биде гарант за спроведување на мирен и демократски изборен процес, вели Тошковски.

Владата ги прогласи одлуките за ништовни на вчерашната седница истакнувајќи дека се донесени со едностран потпис.